റവ. ഫാ. ജോസ് കോനിക്കര Jr – തൃശൂർ അതിരൂപത വികാരി ജനറാൾ –
തൃശൂർ അതിരൂപതയുടെ പുതിയ വികാരി ജനറാളായി റവ. ഫാ. ജോസ് കോനിക്കരയെ (ജൂനിയർ) ആർച്ച് ബിഷപ് ആൻഡ്രൂസ് താഴത്ത് നിയമിച്ചു 2022 ഫെബ്രുവരി16ന് ചുമതലയേല്ക്കും. അത്മായർ, സംഘടനകളും പ്രസ്ഥാനങ്ങളും, സാമൂഹ്യക്ഷേമസ്ഥാപനങ്ങൾ, മാധ്യമങ്ങൾ, മേല്പ്പറഞ്ഞവയുമായി ബന്ധപ്പെടുന്ന ഇടവകപ്രവർത്തനങ്ങൾ എന്നിവയുടെ ചുമതലയാണ് അദ്ദേഹത്തിന് നൽകിയിട്ടുള്ളത്.
ഒല്ലൂർ ഫൊറോന വികാരിയായിരിക്കുമ്പോഴാണ് അദ്ദേഹത്തിന് പുതിയ നിയമനം. സെന്റ് തോമസ് കോളേജിലെ വാർഡൻ, ജ്യോതി എഞ്ചിനീയറിംഗ് കോളേജ് ഫിനാൻസ് ഒാഫീസർ & വാർഡൻ, പുല്ലഴി ക്രിസ്റ്റീന ഹോം ഡയറക്ടർ എന്നീ നിലകളിൽസേവനം ചെയ്തിട്ടുണ്ട്. കുണ്ടുകാട്, ആറ്റുപുറം, പൊന്നാനി, വെങ്ങിണിശ്ശേരി, കിള്ളിമംഗലം, വെണ്ടോർ, ഒളരിക്കര എന്നിവിടങ്ങളിൽ വികാരിയായും, അൾത്താരബാലസംഘം, സി. എൽ. സി., കെ. എൽ. എം. എന്നീ സംഘടനകളുടെ ഡയറക്ടറായും അതിരൂപത വൈദികസമിതി സെക്രട്ടറിയായും പ്രവർത്തിച്ചിട്ടുണ്ട്. പറവട്ടാനി ഇടവക പരേതരായ കോനിക്കര ഫ്രാൻസിസ് – ത്രേസ്യ ദമ്പതികളുടെ മകനാണ്.
തൃശൂർ അതിരൂപതയുടെ അഭിനന്ദനങ്ങൾ