🔵 പതിനാലു സ്ഥലങ്ങളിൽ ഒപ്പം നടന്നിട്ടും പിന്നീടൊരിടത്തുവച്ചും ക്രിസ്തുവിനെ തിരിച്ചറിയാൻ കഴിയാതെ പോകുന്നവരുടെ എണ്ണം കൂടുകയാണ്.

ദുഃഖവെള്ളി: ദിവസം മൊത്തം ചിന്തിക്കാനുള്ള വക ദീപിക യുടെ പതിനഞ്ചാം സ്ഥലം എന്ന ശീർഷകത്തിലുള്ള എഡിറ്റോറിയലിൽ തെളിയുന്നുണ്ട്.

പ്രസക്ത ഭാഗങ്ങൾ:

കഴിഞ്ഞ ഫെബ്രുവരി യിൽ 35,000-ലേറെപ്പേരുടെ മരണത്തിനും വ്യാപക നാ ശത്തിനും ഇടയാക്കിയ ഭൂകമ്പത്തിനിടെ തുർക്കിയിലെ ഗാസിയാന്റെപ്പിലെ ഒരാശുപത്രിയിൽനിന്നുള്ള സിസി ടിവി ദൃശ്യം അതിലൊന്നാണ്. ആശുപത്രി കെട്ടിടം ആ ടിയുലഞ്ഞപ്പോൾ നഴ്സുമാർ സ്വന്തം ജീവൻ രക്ഷിക്കാ ൻ പുറത്തേക്കല്ല, മറ്റുള്ളവരുടെ ജീവൻ രക്ഷിക്കാൻ അ കത്തേക്ക് ഓടുകയായിരുന്നു. നിമിഷങ്ങൾക്കകം നവ ജാതശിശുക്കളുടെ യൂണിറ്റിൽ കുതിച്ചെത്തിയ രണ്ടു ന മാർ, ആടിയുലയുന്ന ബേബി ഇൻകുബേറ്ററുകൾ നിലത്തുവീഴാതെ നെഞ്ചോടു ചേർത്തു പിടിച്ചു.ആരുടെയോ മക്കൾക്കുവേണ്ടി സ്വന്തം ജീവൻപോലും മറന്ന് കെട്ടിടത്തിന്റെ കുലുക്കം അവസാനിക്കുവോളം അവരങ്ങനെ നിന്നു. സംഭവത്തിനുശേഷവും നഴ്സുമാ ർ അതേക്കുറിച്ചൊന്നും പറഞ്ഞില്ലെങ്കിലും തുർക്കിയി ലെ മാധ്യമപ്രവർത്തകൻ ആൻഡ്രൂ ഹോപ്കിൻസ് ആ ദൃശ്യങ്ങൾ പുറത്തുവിട്ടു. അവിടെ സിസി ടിവി ഉണ്ടാ യിരുന്നതുകൊണ്ട് നമ്മളതു കണ്ടു. അങ്ങനെ തെളിവു കൾ അവശേഷിപ്പിക്കാത്ത കരുണയുടെ എത്രയോ ദൃ ശ്യങ്ങൾ ലോകമെങ്ങും സംഭവിക്കുന്നുണ്ട്.

കേരളത്തിലെ നൂറുകണക്കിന് അനാഥാലയങ്ങളിൽ, അഗതിമന്ദിരങ്ങളിൽ, ഭ്രാന്താലയങ്ങളിൽ ക്രിസ്തുവി നെ നെഞ്ചോടു ചേർത്തുവച്ചിരിക്കുന്നവർ അവരുടെ പ തിനഞ്ചാം സ്ഥലത്താണ്. ഭീഷണിക്കും 30 വെള്ളിക്കാശിന്റെ പ്രലോഭനത്തിനും വഴങ്ങാതെ ആൾക്കൂട്ടം കൊന്നവന്റെ പക്ഷത്തുനിന്ന നിതിമാന്മാരായ സാക്ഷികൾ പതിനഞ്ചാം സ്ഥലത്താണ്. തിരിച്ചുകിട്ടില്ലെന്ന് അറി ഞ്ഞുകൊണ്ടുതന്നെ വായ്പ കൊടുക്കുന്നവർ അവരു ടെ പതിനഞ്ചാംസ്ഥലം തെരഞ്ഞെടുത്തുകഴിഞ്ഞു.കരയുന്ന കുഞ്ഞിനോട് അനുകമ്പ കാട്ടുന്നവരും വയോധികരുടെ ശാഠ്യങ്ങൾ സാധിച്ചുകൊടുക്കുന്നവരും കുരിശിന്റെ വഴിയുടെ പതിനഞ്ചാം സ്ഥലത്താണ്.

പതിനാലു സ്ഥലങ്ങളിലെ കുരിശിന്റെ വഴി ഭക്തിപുരസരം പൂർത്തിയാക്കിയ ഒരാൾ പോകുന്ന അടുത്തസ്ഥലമേതെന്നറിയുമ്പോൾ വ്യക്തമാകും, ക്രൂശിതനുമായി അയാൾക്കെന്തെങ്കിലും ബന്ധമുണ്ടായിരുന്നോയെന്ന്. ആ പതിനഞ്ചാം സ്ഥലമാണ് ഓരോ ക്രൈസ്തവന്റെയും സ്വത്വം തിരിച്ചറിയാനുള്ള വഴി. ആത്മാവിനോട് അത്തരമൊരു ചോദ്യം ചോദിക്കാതെ ഈ ദുഃഖവെള്ളിയും കടന്നുപോകില്ല.

പതിനാലു സ്ഥലങ്ങളിൽ ഒപ്പം നടന്നിട്ടും പിന്നീടൊരിടത്തുവച്ചും ക്രിസ്തുവിനെ തിരിച്ചറിയാൻ കഴിയാതെ പോകുന്നവരുടെ എണ്ണം കൂടുകയാണ്.

യുദ്ധത്തിൽ എല്ലാം നഷ്ടപ്പെട്ട് അന്യനാടുകളിലേക്കു പലായനം ചെയ്യുന്നവരിൽ ക്രിസ്തുവുണ്ട്. ന്യൂനപക്ഷമായതിന്റെ പേരിൽ ആൾക്കൂട്ടം തല്ലിക്കൊല്ലുന്നവരിലുമുണ്ട്. വിശന്നു ചാകാറായപ്പോൾ ഭക്ഷണമെടുത്തവനെ കള്ളനെന്നു വിളിച്ച് വിചാരണയും വധശിക്ഷയും നടപ്പാക്കിയ വർക്കും ക്രിസ്തുവിനെ തിരിച്ചറിയാനായില്ല. മറ്റു ചില രെ കോടതിവരാന്തയിൽ നിർത്തിയിരിക്കുകയാണ്. ചിലരെ ആൾക്കൂട്ടത്തിന്റെ ആട്ടും തുപ്പുമേറ്റ് തെരുവിൽ അവഹേളിക്കപ്പെടാൻ അന്വേഷണ സംഘങ്ങൾ തെരു വിലൂടെ നടത്തിക്കൊണ്ടു പോകുന്നു. സ്ത്രീകളിൽ ചി ലരെ ജനം അശ്ലീല ചേഷ്ടകളാൽ കൂക്കിവിളിക്കുന്നു, ശരീരത്തിന്റെയും ചാരിത്ര്യത്തിന്റെയും പേരിൽ, കോടതി കൾ വെറുതെ വിട്ടാലും ചിലരെ നാം പിന്തുടരുകയാണ്, അവരെ ക്രൂശിക്കുക എന്നാർത്തു വിളിച്ച്.

ലഹരിയുടെയും അനാശാസ്യത്തിന്റെയും അഹങ്കാരത്തി ന്റെയും അടിച്ചമർത്തലിന്റെയും നിതിനിഷേധത്തിന്റെ യും കൂലി നിഷേധത്തിന്റെയും സമൂഹ മാധ്യമങ്ങളിലെ അവഹേളനത്തിന്റെയും വിദ്വേഷത്തിന്റെയുമൊക്കെ പ തിനഞ്ചാം സ്ഥലങ്ങളുണ്ട്.

നമ്മൾ ഇനിയെങ്ങോട്ടാണന്ന ചോദ്യമേ ബാക്കിയുള്ളു.

https://www.deepika.com/Editorial.aspx?Newscode=650441&fbclid=IwAR0WMxmVUKg9UHba7OBf-CqKyz5-FUcwZySfwgbOhOGijitTUe6SqXyOWAM