പ്രത്യേക ധൗത്യത്തോടെ അയക്കപ്പെട്ടവരെ ഓർക്കുകയും പ്രാർത്ഥിക്കുകയും ത്യാഗപ്രവർത്തികളിലൂടെ അവർക്കു സഹായം എത്തിക്കുകയും ചെയ്യുക എന്ന ലക്ഷ്യമാണ് മിഷൻ ഞായറിനുള്ളത്.
![](https://mangalavartha.com/wp-content/uploads/2023/10/394628980_10230184562974621_8469116971870059290_n.jpg)
എന്നാൽ വിദൂരങ്ങളിൽ, ഉൾപ്രദേശങ്ങളിൽ , അന്യവത്കരിക്കപ്പെട്ടവരുടെ ഇടയിൽ ജീവിക്കുന്ന അച്ചന്മാരും സന്യസ്തരും മാത്രമല്ലല്ലോ മിഷനറിമാർ, അങ്ങനെ ആ സങ്കല്പത്തെ ഒതുക്കാനും പാടില്ല .
![](https://mangalavartha.com/wp-content/uploads/2023/10/download-2-1.jpg)
കത്തോലിക്കാ സഭയുടെ മതബോധന ഗ്രന്ഥം ( CCC ) പഠിപ്പിക്കുന്നത് സഭ അവളുടെ സ്വഭാവത്താലേ മിഷനറി ആണെന്നാണ് . അങ്ങനെ എങ്കിൽ ഓരോ കത്തോലിക്കനും ക്രിസ്തുവിനെ അറിയാൻ വിളിക്കപ്പെട്ടവനാണ് , പകരാൻ അയക്കപ്പെട്ടവനാണ് .
ഏല്പിക്കപ്പെട്ടിരിക്കുന്ന ധൗത്യത്തോടു, സ്വന്തം സത്തയോട് നീതി പുലർത്താൻ സാധിക്കുന്നുണ്ടോ എന്നൊരു ആത്മശോധന കൂടി ഈ ദിനാചരണത്തിൽ ഒളിഞ്ഞിരിപ്പുണ്ട് .
മനനം ചെയ്യാനൊരു വലിയ വിഷയം , തിരിച്ചറിവിനും ആത്മാവബോധത്തിനും ഉള്ളൊരു ഉണർത്തു പാട്ട്. പ്രതികരിക്കേണ്ടതും ഉത്തരം തേടേണ്ടതും കണ്ണാടി സ്വന്തം മുഖത്തിന് നേരേ പിടിച്ചിട്ടാവണം; അതാണ് ഇന്നിന്റെ യഥാർത്ഥ വെല്ലുവിളിയും.
![](https://mangalavartha.com/wp-content/uploads/2023/10/395135020_873783031075459_2088003637800278410_n.jpg)
തുലനം ചെയ്തും നേട്ടം നോക്കിയും ക്രിസ്തുവിനെയും അവന്റെ ആലയത്തെയും വചനത്തെയും കൂദാശകളെയും സമീപിക്കുന്നവർക്ക് തങ്ങളുടെ മനോഭാവത്തെയും ദാർശനിക ചിന്താരീതിയെയും പുനർ വായന നടത്താനുള്ള അവസരമാകട്ടെ മിഷൻ ഞായർ.
ഓരോ ക്രൈസ്തവനും പകർന്നാടേണ്ടത് ആണ് ക്രിസ്തുമാർഗം.അതേ, കാലം മാറിയിരിക്കുന്നു; കോലവും.സമൂഹത്തിൽ ആളാകണമെങ്കിൽ കത്തോലിക്കന്റെ രൂപവും ക്രിസ്തുവിന്റെ ഭാവവും മറക്കേണ്ടിയിരിക്കുന്നുവെന്ന അവസ്ഥയിലാണ് ഇന്ന് മാനവികതയുടെ മൊത്ത കച്ചവടക്കാർ.
![](https://mangalavartha.com/wp-content/uploads/2023/10/p07hlxs1-1024x576.jpg)
മിഷൻ ഞായർ നമ്മെ കൈ പിടിച്ചു നടത്തട്ടെ നേരും നിറവും തികഞ്ഞവന്റെ വഴിയേ ..ബോദ്ധ്യത്തോടെ, പക്വതയോടെ പറയാൻ സാധിക്കട്ടെ എന്റെ പാത ക്രിസ്തുമാർഗ്ഗം ആണെന്ന് . കണ്ട് വളരുന്ന തലമുറയ്ക്ക് പകർന്നുകൊടുക്കാനും കാട്ടികൊടുക്കാനും ഏക സമ്മാനവും ആ മാർഗ്ഗം മാത്രമായിരിക്കട്ടെ.
![](https://mangalavartha.com/wp-content/uploads/2023/10/18951105_10212737595331334_5204738870164154647_n.jpg)
Ben Joseph