തിരുവല്ല മാർത്തോമ്മ സുറിയാനി സഭയുടെ സഫ്രഗൻ മെത്രാപ്പോലീത്താമാരായി ഡോ. യുയാക്കിം മാർ കൂറിലോസും ,ജോസഫ് മാർ ബർന്നബാസും അഭിഷക്തരായി.
രാവിലെ മാർത്തോമ്മ സഭാ ആസ്ഥാനത്ത് പൂലാത്തിൻ അരമന ചാപ്പലിൽ നടന്ന വിശുദ്ധ കുർബാന മദ്ധ്യേ യാണ് സഭയുടെ പരമാധ്യക്ഷൻ ഡോ. തിയോഡോഷ്യസ് മാർത്തോമ്മ മെത്രാപ്പോലിത്തയാണ് സ്ഥാനാരോഹണം നടത്തിയത്. സഭയുടെ വികാരി ജനറാളായി ചെന്നെ ചെട്ട് പട്ട് മാർത്തോമ്മ പള്ളി വികാരി റവ.ജോർജ് മാത്യുവിൻ്റെ നിയോഗ ശുശ്രൂഷയും നടത്തപ്പെട്ടു.
സഭയിലെ എപ്പിസ്കോപ്പമാരായ തോമസ് മാർ തിമോത്തിയോസ്, ഡോ.ഏബ്രഹാം മാർ പൗലോസ്, ഡോ.മാത്യൂസ് മാർ മക്കാറിയോസ്, ഡോ. ഗ്രീഗോറിയോസ് മാർ സ്തേഫാനോസ്, ഡോ.തോമസ് മാർ തീത്തോസ്, ഓർത്തഡോക്സ് സഭ അടൂർ-കടമ്പനാട് ഭദ്രാസന അധിപൻ ഡോ.സഖറിയാസ് മാർ അപ്രേം, സഭാ സെക്രട്ടറി റവ.കെ ജി ജോസഫ്, വൈദിക ട്രസ്റ്റി റവ.തോമസ്.സി.അലക്സാണ്ടർ, സഭാ ട്രസ്റ്റി പി.പി അച്ചൻകുഞ്ഞ് തുടങ്ങിയവർ പങ്കെടുത്തു. മാർത്തോമ്മ സഭയുടെ പത്താമത്തെയും പതിനെന്നാമത്തെയും സഫ്രഗൻ മെത്രാപോലിത്താമാരാണ് ഇന്ന് സ്ഥാനം സ്വീകരിച്ചത്. മാർത്തോമ മെത്രാപ്പോലിത്തായെ സഹായിക്കുകയാണ് സഫ്രഗൻ മെത്രാപ്പോലിത്താമാരുടെ ചുമതല.
പ്രാർത്ഥനാശംസകൾ…