നമ്മുടെ ദൈവം ജീവിക്കുന്ന ദൈവമാണ്. കർത്താവിൽ ആശ്രയിക്കുന്നവർ ലജ്ജിതരാകുവാൻ അവിടുന്ന് അനുവദിക്കുകയില്ല; ദൈവാനുഗ്രഹത്താൽ നാം മുന്നോട്ടുപോകും. ഏറ്റവും പ്രധാനം ദൈവത്തിലാശ്രയിച്ച് ദൈവത്തിന്റെ കരംപിടിച്ചുകൊണ്ടും, നമ്മുടെ കരം പിടിക്കുവാൻ ദൈവത്തെ അനുവദിച്ചുകൊണ്ടും മുന്നോട്ടുപോവുക എന്നുള്ളതാണ്. കഴിഞ്ഞ കാലങ്ങളില്‍ നമ്മളെ കരം പിടിച്ചും കരങ്ങളില്‍ വഹിച്ചും വഴി നടത്തിയവനാണ്
പരിപാലകനായ ദൈവം. പ്രസ്തുത വചനം പ്രതിപാദിക്കുന്നത് ഇസ്രായേൽ ജനതയെ ഫറവോയുടെ അടിമത്തത്തിൽ നിന്നും മോചിപ്പിച്ചത് ദൈവകരത്തിന്റെ ശക്തിയാൽ ആണ്
കർത്താവിന്റെ കരങ്ങളിലാണ് നമ്മളുടെ ജീവിതത്തിന്റെയും, പ്രവർത്തനങ്ങളുടെയെല്ലാം പരിപാലനം. കർത്താവിന്റെ സംരക്ഷണത്തിൽ മാത്രമേ നമുക്ക് ആശ്വസിക്കാനുള്ളു. തിരുവചനം നോക്കിയാൽ കർത്താവിന്റെ സംരക്ഷണം വിവിധ ലേഖനങ്ങളിലൂടെ കാണുവാൻ സാധിക്കും. പ്രളയത്തിൽ നിന്ന് നോഹയെയും, അവന്റെ അനുചരൻമാരെയും കർത്താവ് സംരക്ഷിച്ചു. ഇസ്രായേൽ ജനതയെ ഫറവോയുടെ അടിമത്തിൽ നിന്ന് രക്ഷിച്ചു. ദാനിയേൽ സിംഹത്തിന്റെ ആക്രമണത്തിൽ നിന്ന് ദൈവം സംരക്ഷിച്ചു. അതുപോലെ പുതിയനിയമത്തിൽ വി പൗലോസിനെ കപ്പൽ തകർച്ചയിൽ നിന്നും, പത്രോസിനെ പലവിധ ആക്രമണങ്ങളിൽ നിന്നും രക്ഷിക്കുന്നതായി കാണാം
ദൈവത്തിന്റ കൈപിടിച്ച് നടക്കുക വലിയൊരു ഭാഗ്യമാണ്. എന്നാൽ പ്രതിസന്ധി ഘട്ടത്തിൽ എല്ലാ വിശ്വാസികൾക്കും ഇതൊക്കെയും സാധ്യമാണോ?. മരണത്തിൻറെ താഴ്‌വരയിൽകൂടി പോയാലും നമ്മളെ കാത്തു പരിപാലിക്കുന്ന ദൈവമാണ് നമ്മുടെ കൂടെയുള്ളത് . സാഹചര്യങ്ങളെ നോക്കാതെ പൂർണ്ണ ഹൃദയത്തോടെ ദൈവകരം പിടിക്കുക.നാം ഓരോരുത്തരുടേയും ജീവിതത്തിൽ ഉണ്ടാവുന്ന പ്രതിസന്ധികളെയും, സാത്താനിക പോരാട്ടങ്ങളെയും ദൈവകരത്താൽ അവിടുന്ന് തകർക്കും. ദൈവം എല്ലാവരെയും സമ്യദ്ധമായി അനുഗ്രഹിക്കട്ടെ
