കൊച്ചി .നന്മയുടെ സ്നേഹ സുഗന്ധമായി ക്രൈസ്തവർ മാറുമ്പോഴാണ് വിശുദ്ധ വാരത്തിന് ആത്മീയ പ്രാധാന്യം ലഭിക്കുകയുള്ളൂ എന്ന് ആർച്ച് ബിഷപ്പ് ഡോ.ജോസഫ് കളത്തിപ്പറമ്പിൽ പ്രസ്താവിച്ചു.എറണാകുളം സെൻറ് ഫ്രാൻസിസ് അസീസി കത്തീഡ്രലിൽ തൈല പരികർമ്മ പൂജയിൽ മുഖ്യ കാർമികത്വം വഹിക്കുകയായിരുന്നുആർച്ച് ബിഷപ്പ്.വരാപ്പുഴ അതിരൂപതയിലെ എല്ലാ വൈദികരും സഹകാർമ്മികർ ആയിരുന്നു.
രോഗിലേപനത്തിനും മറ്റ് പൗരോഹിത്യ ശുശ്രൂഷകൾക്കും ഉപയോഗിക്കുന്ന സൈത്ത് വെഞ്ചിരിപ്പ് കർമ്മം ആയിരുന്നു പ്രധാന ശുശ്രൂഷ.അതിരൂപത വികാരി ജനറൽ മാരായ മോൺ.മാത്യു കല്ലിങ്കൽ,മോൺ.മാത്യു ഇലഞ്ഞി മിറ്റം,ചാൻസലർ ഫാദർ എബിജിൻ അറക്കൽ,ഫൊറോന വികാരിമാർ ,അതിരൂപത സംഘടന ഭാരവാഹികൾഎന്നിവർ പങ്കെടുത്തു.