വ​ർ​ഗീ​യ രാ​ഷ്‌​ട്രീ​യ​വും മ​ത​രാ​ഷ്‌​ട്ര​വാ​ദ​വും

ന്യൂ​ന​പ​ക്ഷ സ്കോ​ള​ർ​ഷി​പ്പി​ന്‍റെ പേ​രി​ൽ കേ​ര​ള സ​മൂ​ഹ​ത്തി​ൽ വ​ർ​ഗീ​യ വി​ദ്വേ​ഷം പ​ട​ർ​ത്താ​ൻ ചി​ല​ർ ബോ​ധ​പൂ​ർ​വം ശ്ര​മം ന​ട​ത്തു​ന്നു​വെ​ന്നും ആ​ർ​എ​സ്എ​സ് ക്രൈ​സ്ത​വ​രി​ൽ മു​സ്‌​ലിം വി​രോ​ധം കു​ത്തി​വ​യ്ക്കു​ന്നു​വെ​ന്നു​മു​ള്ള പ്ര​ചാ​ര​ണ​ങ്ങ​ൾ കു​റ​ച്ചു​നാ​ളാ​യി ശ​ക്തി​പ്പെ​ട്ടു​വ​രി​ക​യാ​ണ്. ഉ​ത്ത​ര​വാ​ദി​ത്വ​പ്പെ​ട്ട ചി​ല മ​ത-​രാ​ഷ്‌​ട്രീ​യ നേ​താ​ക്ക​ൾ​തന്നെ​യാ​ണ് ഇ​ത്ത​രം ആ​രോ​പ​ണ​ങ്ങ​ൾ ഉ​ന്ന​യി​ക്കു​ന്ന​തും. ഇ​തി​ൽ ര​ണ്ടാ​മ​തു പ​റ​ഞ്ഞ ആ​രോ​പ​ണം ആ​ദ്യം പ​രി​ശോ​ധി​ക്കാം. അ​പ്പോ​ൾ ആ​ദ്യം പ​റ​ഞ്ഞ ആ​രോ​പ​ണ​ത്തി​ന്‍റെ നി​ജ​സ്ഥി​തി വ്യ​ക്ത​മാ​കും.

കേ​ര​ള​ത്തി​ലെ ക്രൈ​സ്ത​വ​രു​ടെ​യി​ട​യി​ൽ മു​സ്‌​ലിം വി​രോ​ധം വ​ള​രു​ന്നു എ​ന്ന പ്ര​ചാ​ര​ണം ഇ​ക്ക​ഴി​ഞ്ഞ നി​യ​മസ​ഭാ തെ​ര​ഞ്ഞെ​ടു​പ്പി​ലും അ​തി​നു മു​ൻ​പു ന​ട​ന്ന ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പു വേ​ള​യി​ലും ചി​ല രാ​ഷ്‌​ട്രീ​യ പാ​ർ​ട്ടി​ക​ൾ ഉ​ന്ന​യി​ക്കു​ക​യു​ണ്ടാ​യി. ക്രൈ​സ്ത​വ​രി​ൽ ഒ​രു വി​ഭാ​ഗം ആ​ർ​എ​സ്എ​സ് ഒ​രു​ക്കി​യ വ​ർ​ഗീ​യ രാ​ഷ്‌​ട്രീ​യ​ത്തി​ന്‍റെ കെ​ണി​യി​ൽ വീ​ണി​രി​ക്കു​ന്നു എ​ന്നാ​യി​രു​ന്നു പ്ര​ചാ​ര​ണം. എ​ന്നാ​ൽ, ര​ണ്ടു തെ​ര​ഞ്ഞെ​ടു​പ്പു​ക​ളി​ലും പ​ര​മ്പ​രാ​ഗ​ത രീ​തി​യി​ൽ ക​ണ്ടു​വ​രു​ന്ന​തി​ല​ധി​ക​മാ​യി ക്രൈ​സ്ത​വ​രു​ടെ​കൂ​ടി വോ​ട്ടു നേ​ടി വി​ജ​യി​ച്ച​ത്, ബി​ജെ​പി ആ​യി​രു​ന്നി​ല്ല മ​റി​ച്ച്, സി​പി​എം ആ​യി​രു​ന്നു. ബി​ജെ​പി​ക്കാ​വ​ട്ടെ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ, ഉ​ണ്ടാ​യി​രു​ന്ന ഒ​രു സീ​റ്റു​കൂ​ടി ന​ഷ്ട​മാ​വു​ക​യും ചെ​യ്തു. സി​പി​എം വ​ർ​ഗീ​യ മു​ത​ലെ​ടു​പ്പു ന​ട​ത്തു​ന്നു എ​ന്ന ശ​ക്ത​മാ​യ ആ​രോ​പ​ണം ഉ​ന്ന​യി​ച്ച യു​ഡി​എ​ഫി​നും നേ​ട്ട​മു​ണ്ടാ​ക്കാ​ൻ ക​ഴി​ഞ്ഞി​ല്ല.

യ​ഥാ​ർ​ഥ​ത്തി​ൽ രാ​ഷ്‌​ട്രീ​യ പാ​ർ​ട്ടി​ക​ൾ ഉ​ന്ന​യി​ക്കു​ന്ന വി​ധം വ​ർ​ഗീ​യ വി​ദ്വേ​ഷം മു​സ്‌​ലിം​ക​ളും ക്രി​സ്ത്യാ​നി​ക​ളും ത​മ്മി​ലു​ണ്ടോ? ഇ​ല്ല എ​ന്ന​താ​ണ് വാ​സ്ത​വം. കേ​ര​ള​ത്തി​ൽ ആ​ർ​എ​സ്എ​സ് ശ​ക്ത​മാ​ണ് എ​ന്ന​തി​ന്‍റെ പേ​രി​ൽ ക്രി​സ്ത്യാ​നി​ക​ളും ഹി​ന്ദു​ക്ക​ളും ത​മ്മി​ൽ യാ​തൊ​രു വി​ദ്വേ​ഷ​വും ഇ​ല്ലാ​ത്ത​തു​പോ​ലെ, കേ​ര​ള​ത്തി​ൽ പൊ​ളി​റ്റി​ക്ക​ൽ ഇ​സ്‌​ലാം ശ​ക്ത​മാ​ണ് എ​ന്ന​തി​ന്‍റെ പേ​രി​ൽ ക്രി​സ്ത്യാ​നി​ക​ളും മു​സ്‌​ലിം​ക​ളും ത​മ്മി​ൽ വ​ർ​ഗീ​യ​വി​ദ്വേ​ഷം അ​ശേ​ഷ​മി​ല്ല. അ​പ്പോ​ൾ, പി​ന്നെ എ​ന്താ​ണ് പ്ര​ശ്നം?

കേ​ര​ളം ജാ​ഗ്ര​ത​പു​ല​ർ​ത്തു​ന്ന വ​ർ​ഗീ​യ രാ​ഷ്‌​ട്രീ​യം

ഏ​ക​ദേ​ശം ഒ​രു നൂ​റ്റാ​ണ്ടാ​യി കേ​ര​ള​ത്തി​ൽ ആ​ർ​എ​സ്എ​സ് പ്ര​വ​ർ​ത്തി​ക്കു​ന്നു​ണ്ട്. ആ​ർ​എ​സ്എ​സ് എ​ന്തി​നു​വേ​ണ്ടി നി​ല​കൊ​ള്ളു​ന്നു എ​ന്നും അ​തി​ന്‍റെ രാ​ഷ്‌​ട്രീ​യ വി​ഭാ​ഗ​മാ​യ ബി​ജെ​പി ഉ​യ​ർ​ത്തി​പ്പി​ടി​ക്കു​ന്ന ഹി​ന്ദു സ്വ​ത്വ (ഹി​ന്ദു​ത്വ) രാ​ഷ്‌​ട്രീ​യ​ത്തി​ന്‍റെ സ്വ​ഭാ​വ​മെ​ന്തെ​ന്നും കേ​ര​ള​ത്തി​ലെ ക്രി​സ്ത്യാ​നി​ക​ൾ​ക്കു മാ​ത്ര​മ​ല്ല, ഹി​ന്ദു​വി​നും മു​സ്‌​ലി​മി​നും പൊ​തു സ​മൂ​ഹ​ത്തി​നും ന​ന്നാ​യി അ​റി​യാം. ഒ​രു​പ​ക്ഷേ, കേ​ര​ള​ത്തി​ലെ ഹി​ന്ദു​ക്ക​ൾ​ക്കു മ​റ്റു​ള്ള​വ​രെ​ക്കാ​ൾ ന​ന്നാ​യി അ​ത​റി​യാ​വു​ന്ന​തു​കൊ​ണ്ടു​ത​ന്നെ​യാ​ണ് ബി​ജെ​പി ഉ​യ​ർ​ത്തി​പ്പി​ടി​ക്കു​ന്ന തീ​വ്ര സാം​സ്‌​കാ​രി​ക ദേ​ശീ​യ​ത​യു​ടെ സ​വ​ർ​ണ ഹി​ന്ദു സ്വ​ത്വ​രാ​ഷ്‌​ട്രീ​യ​ത്തെ അ​വ​ർ പ​ടി​ക്കു പു​റ​ത്തു നി​ർ​ത്തി​യി​രി​ക്കു​ന്ന​ത്.

ബ​ഹു​സ്വ​ര​ത​യു​ടെ​യും സ​ഹ​വ​ർ​ത്തി​ത്വ​ത്തി​ന്‍റെ​യും മ​തേ​ത​ര ജ​നാ​ധി​പ​ത്യ​ത്തി​ന്‍റെ​യും ന​വോ​ത്ഥാ​ന മൂ​ല്യ​ങ്ങ​ളു​മാ​യാ​ണ് കേ​ര​ള​ത്തി​ലെ ഹി​ന്ദു സ​മൂ​ഹം പൊ​തു​വേ ത​ങ്ങ​ളു​ടെ സ്വ​ത്വ ബോ​ധ​ത്തെ സ​മ​ന്വ​യി​പ്പി​ച്ചു സ്വാം​ശീ​ക​രി​ച്ചി​ട്ടു​ള്ള​ത്. ബി​ജെ​പി​യു​ടെ​യോ ആ​ർ​എ​സ്എ​സി​ന്‍റെ​യോ വ​ർ​ഗീ​യ രാ​ഷ്‌​ട്രീ​യ​ത്തി​ന് അ​തി​നെ മ​റി​ക​ട​ക്കു​ക എ​ളു​പ്പ​മ​ല്ല. ഹൈ​ന്ദ​വ സ​മൂ​ഹ​ത്തി​നു മാ​ത്ര​മ​ല്ല, ആ​ർ​എ​സ്എ​സി​ന്‍റെ​യും ബി​ജെ​പി​യു​ടെ​യും സം​ഘ​പ​രി​വാ​ർ രാ​ഷ്‌​ട്രീ​യ​ത്തെ പ്ര​ത്യേ​കി​ച്ച് ആ​രും തു​റ​ന്നു കാ​ട്ടാ​തെ​ത​ന്നെ, കേ​ര​ള സ​മൂ​ഹ​ത്തി​നു പൊ​തു​വി​ലും ന​ന്നാ​യി അ​റി​യാം. മ​റ്റെ​ല്ലാ സാ​ധ്യ​ത​ക​ളും അ​ട​യു​ന്ന​തു വ​രെ​യെ​ങ്കി​ലും കേ​ര​ള​ത്തി​ന്‍റെ ജ​നാ​ധി​പ​ത്യ മ​ന​സ് ഒ​രി​ക്ക​ലും അ​തി​നെ നെ​ഞ്ചേ​റ്റു​ക​യി​ല്ല.

എ​ന്നാ​ൽ ഒ​രു കാ​ര്യം ചൂ​ണ്ടി​ക്കാ​ട്ടാ​തെ വ​യ്യ. മു​സ്‌​ലിം ലീ​ഗി​ന്‍റെ സ്വ​ത്വ​രാ​ഷ്‌​ട്രീ​യം മ​തേ​ത​ര​മാ​ണെ​ങ്കി​ൽ, ബി​ജെ​പി​യു​ടേ​ത് അ​ങ്ങ​നെ​യ​ല്ല എ​ന്നു പ​റ​യു​ന്ന​തി​ൽ ക​ഴ​മ്പു​ണ്ടെ​ന്നു തോ​ന്നു​ന്നി​ല്ല. ഹി​ന്ദു മ​ത​ഗ്ര​ന്ഥ​ങ്ങ​ളു​ടെ വ്യാ​ഖ്യാ​ന​ത്തി​ൽ​നി​ന്നു രൂ​പ​പ്പെ​ടു​ത്തി​യ ഒ​രു സ​മ​ഗ്രാ​ധി​പ​ത്യ മ​ത​രാ​ഷ്‌​ട്ര സി​ദ്ധാ​ന്ത​മ​ല്ലാ​ത്തി​ട​ത്തോ​ളം ബി​ജെ​പി​യു​ടേ​ത് ഒ​രു മ​ത​രാ​ഷ്‌​ട്ര പ്ര​ത്യ​യ​ശാ​സ്ത്ര​മാ​ണെ​ന്നു പ​റ​യാ​നു​മാ​വി​ല്ല. സ​വ​ർ​ണ മേ​ധാ​വി​ത്വ​ത്തി​ന്‍റെ​യും തീ​വ്ര സാം​സ്‌​കാ​രി​ക ദേ​ശീ​യ​ത​യു​ടെ​യും കോ​ർ​പ​റേ​റ്റി​സ​ത്തി​ന്‍റെ​യും ഒ​രു സ​മ്മി​ശ്ര രാ​ഷ്‌​ട്രീ​യം എ​ന്ന​തി​ലു​പ​രി അ​തി​നു പ്ര​സ​ക്ത​മാ​യ ഒ​രു പ്ര​ത്യ​യ​ശാ​സ്ത്ര അ​ടി​ത്ത​റ​യി​ല്ല എ​ന്ന​താ​ണ് വാ​സ്ത​വം. അ​ധി​കം വൈ​കാ​തെ​ത​ന്നെ അ​തി​നു​ള്ളി​ലെ വൈ​രു​ദ്ധ്യ​ങ്ങ​ളെ അ​തു സ്വ​യം പു​റ​ത്തു കൊ​ണ്ടു​വ​രി​ക​യും ചെ​യ്യും.

കേ​ര​ളം ക​ണ്ടി​ല്ലെ​ന്നു ന​ടി​ക്കു​ന്ന മ​ത​രാ​ഷ്‌​ട്ര​വാ​ദം

എ​ന്നാ​ൽ, കേ​ര​ള സ​മൂ​ഹ​ത്തി​ൽ വ​ലി​യൊ​ര​ള​വുവ​രെ മ​റ​ഞ്ഞി​രി​ക്കു​ന്ന അ​പ​ക​ട​മാ​ണ് തീ​വ്ര ഇ​സ്‌​ലാ​മി​ക രാ​ഷ്‌​ട്രീ​യം. വേ​ഷ​പ്ര​ച്ഛ​ന്ന​ത​യാ​ണ് അ​തി​ന്‍റെ മു​ഖ​മു​ദ്ര. സ​മൂ​ഹ​ത്തി​ൽ മ​റ​ഞ്ഞി​രി​ക്കു​ക​യും നി​ർ​ണാ​യ​ക സ​മ​യ​ങ്ങ​ളി​ൽ അ​നു​യോ​ജ്യ​മാ​യ വേ​ഷ​ങ്ങ​ളി​ൽ വെ​ളി​പ്പെ​ടു​ക​യും ചെ​യ്യു​ന്ന അ​തി​നെ ഇ​നി​യും ന​മ്മ​ൾ വേ​ണ്ട​ത്ര തി​രി​ച്ച​റി​ഞ്ഞി​ട്ടി​ല്ല.മ​ത​രാ​ഷ്‌​ട്ര​വാ​ദം തീ​വ്ര​ദേ​ശീ​യ​ത​യെ​ക്കാ​ളും സാം​സ്‌​കാ​രി​ക ഫാ​സി​സ​ത്തെ​ക്കാ​ളും ക​മ‍്യൂ​ണി​സ​ത്തെ​ക്കാ​ളും അ​പ​ക​ട​കാ​രി​യാ​ണ്. ഇ​സ്‌​ലാ​മി​ക മ​ത​രാ​ഷ്‌​ട്ര വാ​ദം ലോ​കം ക​ണ്ടി​ട്ടു​ള്ള മ​റ്റേ​തൊ​രു ഫാ​സി​സ്റ്റ് പ്ര​ത്യ​യ​ശാ​സ്ത്ര​ത്തെ​ക്കാ​ളും പ്ര​തി​ലോ​മ​ക​ര​വു​മാ​ണ്. അ​ത് മ​നു​ഷ്യ​ന്‍റെ സ്വാ​ത​ന്ത്ര്യ​മോ സ്വ​യം നി​ർ​ണ​യാ​വ​കാ​ശ​മോ അം​ഗീ​ക​രി​ക്കു​ന്നി​ല്ല. ജ​നാ​ധി​പ​ത്യം, മ​തേ​ത​ര​ത്വം, ദേ​ശീ​യ​ത തു​ട​ങ്ങി അ​വ​രു​ടെ ക​ണ്ണി​ൽ ഇ​സ്‌​ലാ​മി​ക​മ​ല്ലാ​ത്ത​തൊ​ക്കെ​യും കീ​ഴ​ട​ക്ക​പ്പെ​ടേ​ണ്ട​തും ന​ശി​പ്പി​ക്ക​പ്പെ​ടേ​ണ്ട​തു​മാ​ണ്.

കേ​ര​ള​ത്തി​ലെ മു​സ്‌​ലിം​ക​ളി​ൽ ഒ​രു നി​ശ്ചി​ത ശ​ത​മാ​നം തീ​വ്ര ഇ​സ്‌​ലാ​മി​ക പ്ര​ത്യ​യ​ശാ​സ്ത്രം പി​ൻ​പ​റ്റു​ന്ന​വ​രും അ​തി​നാ​യി പ്ര​വ​ർ​ത്തി​ക്കു​ന്ന​വ​രു​മാ​ണെ​ങ്കി​ലും കേ​ര​ള​ത്തി​ന്‍റെ പൊ​തു സ​മൂ​ഹ​ത്തി​ൽ അ​വ​ർ ഇ​സ്‌​ലാ​മി​ക മ​ത​രാ​ഷ്‌​ട്ര വാ​ദി​ക​ളാ​യി കാ​ണ​പ്പെ​ടു​ക​യോ തി​രി​ച്ച​റി​യ​പ്പെ​ടു​ക​യോ ചെ​യ്യു​ന്നി​ല്ല. കാ​ര​ണം പൊ​തു സ​മൂ​ഹ​ത്തി​നു സ്വീ​കാ​ര്യ​മാ​യി തോ​ന്നാ​വു​ന്ന മേ​ഖ​ല​ക​ളി​ൽ വേ​ഷ​പ്ര​ച്ഛ​ന്ന​രാ​യാ​ണ് അ​വ​ർ പ്ര​വ​ർ​ത്തി​ക്കു​ന്ന​ത്! പ്ര​ത്യ​ക്ഷ​ത്തി​ൽ നി​രു​പ​ദ്ര​വ​കാ​രി​ക​ളെ​ങ്കി​ലും, ഇ​സ്‌​ലാ​മി​ക് ബ്ര​ദ​ർ​ഹു​ഡ്, താ​ലി​ബാ​ൻ, ഇ​സ്‌​ലാ​മി​ക് സ്റ്റേ​റ്റ്, അ​ൽ ക്വ​യ്‌​ദ, ബോ​ക്കോ ഹ​റാം തു​ട​ങ്ങി​യ പൂ​ർ​വ​സൂ​രി​ക​ളു​ടെ പാ​ത​യി​ലാ​ണ് ഇ​ത്ത​രം പ്ര​സ്ഥാ​ന​ങ്ങ​ളി​ൽ പ​ല​തും സ​ഞ്ച​രി​ക്കു​ന്ന​ത് എ​ന്ന​ത് പ​ര​സ്യ​മാ​യ ര​ഹ​സ്യ​മാ​ണ്.

മു​സ്‌​ലിം വി​രോ​ധ​മോ യാ​ഥാ​ർ​ഥ‍്യ ബോ​ധ​മോ?ഇ​ത്ത​രം ഒ​രു പ​ശ്ചാ​ത്ത​ല​ത്തി​ൽ, കേ​ര​ള​ത്തി​ൽ ശ​ക്തി പ്രാ​പി​ച്ചു​കൊ​ണ്ടി​രി​ക്കു​ന്ന ഇ​സ്‌​ലാ​മി​ക തീ​വ്ര​വാ​ദ​ത്തെ​പ്പ​റ്റി​യു​ള്ള ആ​ശ​ങ്ക പ​ങ്കു​വ​യ്ക്കു​ന്ന​ത്, മു​സ്‌​ലിം വി​രോ​ധ​മാ​യി വ്യാ​ഖ്യാ​നി​ക്കേ​ണ്ട​തു​ണ്ടോ? അ​ത്ത​രം ആ​ശ​ങ്ക​ക​ൾ അ​സ്ഥാ​ന​ത്താ​ണ് എ​ന്ന് ഉ​റ​പ്പി​ച്ചു പ​റ​യാ​ൻ, ഭ​രി​ക്കു​ന്ന സ​ർ​ക്കാ​രി​നോ കേ​ര​ള​ത്തി​ന്‍റെ പൊ​തു സ​മൂ​ഹ​ത്തി​നോ സാ​ധി​ക്കു​മോ? 1940 ക​ളി​ൽ​ത്ത​ന്നെ സ​ല​ഫി​സം, ജ​മാ​അ​ത്തെ ഇ​സ്‌​ലാ​മി ഹി​ന്ദി​ലൂ​ടെ കേ​ര​ള​ത്തി​ന്‍റെ വ​ട​ക്ക​ൻ മേ​ഖ​ല​യി​ൽ അ​തി​ന്‍റെ സാ​ന്നി​ധ്യം അ​റി​യി​ച്ചി​രു​ന്നു എ​ന്ന് പ്ര​ഫ. ഹ​മീ​ദ് ചേ​ന്ന​മം​ഗ​ലൂ​രി​ന്‍റെ “ദൈ​വ​ത്തി​ന്‍റെ രാ​ഷ്‌​ട്രീ​യം” എ​ന്ന ഗ്ര​ന്ഥ​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്. കേ​ര​ള​ത്തി​ലെ സ​ല​ഫി പ്ര​സ്ഥാ​ന​ങ്ങ​ളെ പ്ര​തി​നി​ധീ​ക​രി​ക്കു​ന്ന ജ​മാ​അ​ത്തെ ഇ​സ്‌​ലാ​മി​യു​ടെ സ​മ​ഗ്ര​മാ​യ ഒ​രു ചി​ത്രം അ​ദ്ദേ​ഹം ഈ ​ഗ്ര​ന്ഥ​ത്തി​ൽ വ​ര​ച്ചു കാ​ട്ടു​ന്നു​ണ്ട്. പ്ര​ഫ. ചേ​ന്ന​മം​ഗ​ലൂ​രി​ന്‍റെ ഇ​ത​ര കൃ​തി​ക​ളും ആ​നു​കാ​ലി​ക​ങ്ങ​ളി​ലൂ​ടെ അ​ദ്ദേ​ഹം പ​ങ്കു​വ​യ്ക്കു​ന്ന നി​രീ​ക്ഷ​ണ​ങ്ങ​ളും കേ​ര​ള​ത്തി​ന്‍റെ സാ​മൂ​ഹി​ക ജീ​വി​ത​ത്തി​ലെ മാ​റ്റ​ങ്ങ​ൾ നി​രീ​ക്ഷി​ക്കു​ന്ന​വ​ർ​ക്ക് ദി​ശാ​ബോ​ധം പ​ക​രു​ന്ന​വ​യാ​ണ്.

ക്രൈ​സ്ത​വ​രി​ൽ വ​ള​രെ​പ്പേ​ർ ഇ​ത്ത​രം ഗൗ​ര​വ​മാ​യ വാ​യ​ന​ക​ളി​ലേ​ക്കും പ​ഠ​ന​ങ്ങ​ളി​ലേ​ക്കും തി​രി​യാ​നു​ള്ള കാ​ര​ണം, കേ​ര​ള​ത്തി​ലെ ചി​ല സ​ല​ഫി പ​ണ്ഡി​ത​ന്മാ​രും പ്ര​സ്ഥാ​ന​ങ്ങ​ളും അ​വ​ർ ഒ​രു ബ​ഹു​സ്വ​ര സ​മൂ​ഹ​ത്തി​ലാ​ണ് ജീ​വി​ക്കു​ന്ന​തെ​ന്ന യാ​ഥാ​ർ​ഥ്യം മ​റ​ന്ന്, ഇ​ന്ത്യ​ൻ ഭ​ര​ണ​ഘ​ട​ന​യും മ​തേ​ത​ര ജ​നാ​ധി​പ​ത്യ​വും ന​ൽ​കു​ന്ന സ്വാ​ത​ന്ത്ര്യ​വും സം​ര​ക്ഷ​ണ​വും ഉ​പ​യോ​ഗി​ച്ച്, പ്ര​ത്യ​ക്ഷ​മാ​യും പ്ര​ച്ഛ​ന്ന വേ​ഷ​ങ്ങ​ളി​ലൂ​ടെ​യും ഒ​രു മ​തേ​ത​ര ജ​നാ​ധി​പ​ത്യ സ​മൂ​ഹ​ത്തി​ന്‍റെ അ​രൂ​പി​ക്കു നി​ര​ക്കാ​ത്ത പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​തു​കൊ​ണ്ടാ​ണ്. അ​തി​നെ ആ​ശ​ങ്ക​യോ​ടെ നോ​ക്കി​ക്കാ​ണു​ന്ന​തും ചി​ല​പ്പോ​ൾ ഉ​റ​ക്കെ പ​റ​യേ​ണ്ടി​വ​രു​ന്ന​തും സം​ഘ​പ​രി​വാ​റി​ന്‍റെ കെ​ണി​യി​ൽ പെ​ടു​ന്ന​തു​കൊ​ണ്ട​ല്ല. അ​തു സം​ഘ​പ​രി​വാ​റി​ൽ​നി​ന്നു പ​ഠി​ക്കേ​ണ്ട ആ​വ​ശ്യ​വു​മി​ല്ല.

തു​റ​ന്നു പ​റ​യു​ന്ന​ത് ജാ​ഗ്ര​ത പാ​ലി​ക്കാ​ൻ

ഇ​സ്‌​ലാം പ​ഠ​ന​വും ഗ​വേ​ഷ​ണ​വും അ​ടു​ത്ത​കാ​ലം വ​രെ കേ​ര​ള​ത്തി​ലെ ക്രൈ​സ്ത​വ​രു​ടെ ഇ​ഷ്ട​വി​ഷ​യ​ങ്ങ​ളി​ൽ ഒ​ന്നാ​യി​രു​ന്നി​ല്ല. ന​മ്മോ​ടൊ​പ്പം സ്നേ​ഹ​ത്തി​ലും സ​ഹ​ക​ര​ണ​ത്തി​ലും സൗ​ഹൃ​ദ​ത്തി​ലും ക​ഴി​യു​ന്ന മു​സ്‌​ലിം സ​ഹോ​ദ​ര​ങ്ങ​ളു​ടെ മ​തം എ​ന്ന നി​ല​യി​ൽ, ബ​ഹു​മാ​ന​ത്തോ​ടെ മാ​ത്ര​മാ​ണ് ക്രൈ​സ്ത​വ​ർ ഇ​സ്‌​ലാ​മി​ക ജീ​വി​ത​ത്തെ നോ​ക്കി​ക്ക​ണ്ടി​രു​ന്ന​ത്.

എ​ന്നാ​ൽ അ​ടു​ത്ത​കാ​ല​ത്താ​യി, സ​മൂ​ഹ​ത്തി​ന്‍റെ വി​വി​ധ മ​ണ്ഡ​ല​ങ്ങ​ളി​ലും വി​ദ്യാ​ഭ്യാ​സ-​ആ​തു​ര ശു​ശ്രൂ​ഷാ സ്ഥാ​പ​ന​ങ്ങ​ളി​ലും സാം​സ്‌​കാ​രി​ക ഇ​ട​ങ്ങ​ളി​ലു​മെ​ല്ലാം സ​ല​ഫി ദാ​വാ പ്ര​വ​ർ​ത്ത​ക​ർ ക്രി​സ്തീ​യ വി​ശ്വാ​സ​ങ്ങ​ളെ​യും ജീ​വി​താ​ദ​ർ​ശ​ങ്ങ​ളെ​യും മ​താ​നു​ഷ്ഠാ​ന​ങ്ങ​ളെ​യു​മെ​ല്ലാം പ​ര​സ്യ​മാ​യി അ​വ​ഹേ​ളി​ക്കു​ക​യും അ​ത്ത​രം ആ​ക്ര​മ​ണ​ങ്ങ​ൾ വ്യ​ക്തി​ക​ൾ​ക്കും സ​മൂ​ഹ​ങ്ങ​ൾ​ക്കും സ​മു​ദാ​യ​ത്തി​നും നേ​രേ​യു​ള്ള ആ​സൂ​ത്രി​ത നീ​ക്ക​ത്തി​ന്‍റെ ത​ല​ത്തി​ലേ​ക്ക് എ​ത്തു​ക​യും ചെ​യ്ത​പ്പോ​ഴാ​ണ് ഈ ​വി​ഷ​യ​ത്തി​ൽ പ്ര​ത്യേ​ക ജാ​ഗ്ര​ത ആ​വ​ശ്യ​മാ​യി വ​ന്ന​തും ചി​ല കാ​ര്യ​ങ്ങ​ൾ ഉ​റ​ക്കെ പ​റ​യേ​ണ്ടി വ​രു​ന്ന​തും. അ​ത് സം​ഘ​പ​രി​വാ​ർ അ​ജ​ണ്ട​യി​ൽ വീ​ണ ക്രി​സ്ത്യാ​നി​യു​ടെ ക​ര​ച്ചി​ലാ​ണെ​ന്നു വ്യാ​ഖാ​നി​ക്കു​ന്ന​ത് തി​ക​ഞ്ഞ ഉ​ത്ത​ര​വാ​ദി​ത്വ​മി​ല്ലാ​യ്ക​യാ​ണ് എ​ന്നു പ​റ​യാ​തി​രി​ക്കാ​ൻ ക​ഴി​യി​ല്ല.

ലോ​ക​ത്താ​കെ​യു​ള്ള ക്രൈ​സ്ത​വ സ​മൂ​ഹ​ത്തി​ന് ‘ഇ​സ്‌​ലാ​മോ​ഫോ​ബി​യ’ ബാ​ധി​ച്ചി​രി​ക്കു​ക​യാ​ണ് എ​ന്ന ചി​ല​രു​ടെ വാ​യ്ത്താ​രി​യി​ൽ രാ​ഷ്‌​ട്രീ​യ പാ​ർ​ട്ടി​ക​ൾ വീ​ണു​പോ​ക​രു​ത്. പൊ​ളി​റ്റി​ക്ക​ൽ ഇ​സ്‌​ലാ​മി​ന്‍റെ പി​ടി​യി​ൽ ഇ​നി​യും അ​മ​ർ​ന്നി​ട്ടി​ല്ലാ​ത്ത കേ​ര​ള​ത്തി​ലെ മു​സ്‌​ലിം ലീ​ഗും മു​സ്‌​ലിം സ​മൂ​ഹ​വും ഈ ​കാ​ര്യ​ങ്ങ​ൾ വി​ല​യി​രു​ത്ത​ണം. ഗൗ​ര​വ​ത​ര​മാ​യ ആ ​പ്ര​ക്രി​യ നി​ങ്ങ​ൾ നി​ർ​വ​ഹി​ക്കു​ക​ത​ന്നെ വേ​ണം. ക്രൈസ്തവർക്ക് നി​ങ്ങ​ളെ വി​ശ്വാ​സ​മാ​ണ്.

പി​ന്നെ, സ്‌​കോ​ള​ർ​ഷി​പ്പ് വി​ഷ​യ​ത്തി​ൽ, എ​ൽ​ഡി​എ​ഫ്. സ​ർ​ക്കാ​ർ, കോ​ട​തി​വി​ധി​യു​ടെ പ​ശ്ചാ​ത്ത​ല​ത്തി​ൽ ഉ​യ​ർ​ന്നു​വ​രു​ന്ന പ്ര​ശ്ന​ങ്ങ​ൾ​ക്ക് സ​മു​ചി​ത​മാ​യ പ​രി​ഹാ​ര​മു​ണ്ടാ​ക്കു​മെ​ന്ന സി​പി​എം നേ​താ​ക്ക​ളു​ടെ ഉ​റ​പ്പി​ൽ ഞ​ങ്ങ​ൾ​ക്കു വി​ശ്വാ​സ​മു​ണ്ട്. മു​ഖ്യ​മ​ന്ത്രി​ത​ന്നെ ഇ​ക്കാ​ര്യം ഇ​തി​നോ​ട​കം വ്യ​ക്ത​മാ​ക്കി​യി​ട്ടു​മു​ണ്ട്. ന്യൂ​ന​പ​ക്ഷ സ​മൂ​ഹ​ങ്ങ​ൾ​ക്ക് തു​ല്യ​നീ​തി ഉ​റ​പ്പു വ​രു​ത്തു​ന്ന​തി​ൽ മ​ത​നി​ര​പേ​ക്ഷ​ത​യി​ൽ വി​ശ്വ​സി​ക്കു​ന്ന മു​സ്‌​ലിം സ​മു​ദാ​യം എ​തി​രു നി​ൽ​ക്കു​മെ​ന്നും ക​രു​തു​ന്നി​ല്ല.

ആ​ർ​എ​സ്എ​സ്കാ​രു​ടെ സ്നേ​ഹ​ത്തി​ല​ല്ല ക്രി​സ്ത്യാ​നി​ക​ൾ വി​ശ്വ​സി​ക്കു​ന്ന​ത്. കേ​ര​ള​ത്തി​ൽ ജീ​വി​ക്കു​ന്ന ഹി​ന്ദു, മു​സ്‌​ലിം, ക്രി​സ്ത്യ​ൻ ജ​ന​വി​ഭാ​ഗ​ങ്ങ​ളു​ടെ പ​ര​സ്പ​ര​സ്നേ​ഹ​ത്തി​ലും സൗ​ഹൃ​ദ​ത്തി​ലും ക​രു​ത​ലി​ലും ക്രൈസ്തവർ​ക്ക് ഉ​ത്ത​മ വി​ശ്വാ​സ​വും ബോ​ധ്യ​വു​മു​ണ്ട്. ഇ​ക്കാ​ര്യ​ത്തി​ൽ യാ​തൊ​രു വീ​ഴ്ച​യും ഉ​ണ്ടാ​കാ​തി​രി​ക്കാ​ൻ ഞ​ങ്ങ​ൾ സ​ദാ ജാ​ഗ്ര​ത പു​ല​ർ​ത്തു​ന്ന​തു​മാ​ണ്.

ഫാ. ​വ​ർ​ഗീ​സ് വ​ള്ളി​ക്കാ​ട്ട്