മുണ്ടക്കൈയിലെ ദുരന്ത സാഹചര്യത്തെ നേരിൽ കാണേണ്ടി വരുന്നവരിൽ നല്ലൊരു ശതമാനം പേരുടെയും മനസ്സിൽ ആധിയുടെ ഉരുൾപൊട്ടൽ ഇനിയുള്ള കുറെ കാലം ഉണ്ടാകാം.
പ്രീയപ്പെട്ടവർ പെട്ടെന്നുള്ള വല്ലാത്ത മരണത്തിന് ഇരയായത് കൊണ്ടുള്ള നോവുകൾ അലട്ടാൻ തുടങ്ങും .രക്ഷപ്പെട്ടവരുടെ മനസികാരോഗ്യത്തിന് വരും ദിവസങ്ങളിൽ ശ്രദ്ധ നൽകേണ്ടി വരും.കോവിഡ് നാളുകളിലും പ്രളയ ശേഷവും നൽകിയ സൈക്കോ സോഷ്യൽ സപ്പോർട്ടിന്റെ ഘടനയിൽ മാത്രം ചെയ്താൽ പോരാ. ഇതിൽ ഗ്രീഫ് ഇടപെടലിന്റെ അംശം വേണ്ടി വരും. പോസ്റ്റ് ട്രോമാറ്റിക് സ്ട്രെസ് ഇടപെടലിന്റെ തത്വങ്ങൾ ചേർക്കേണ്ടി വരും .ഇത് ആ സമൂഹത്തിന് ചേരും വിധമുള്ള കമ്മ്യൂണിറ്റി മോഡലായിപാകപ്പെടുത്തുകയും വേണം.
വീട് നഷ്ടപ്പെട്ടവർക്ക് പുനരധിവാസം ഒരുക്കുകയെന്നതും പ്രധാനമാണ് .
(ഡോ .സി ജെ ജോൺ )
