സീറോമലബാര് സഭയുടെ ആസ്ഥാനകാര്യാലയമായ മൗണ്ട് സെന്റ് തോമസില് വച്ച് നടത്തിയ വൊക്കേഷന് പ്രമോട്ടേഴ്സ് വാര്ഷിക സമ്മേളനം മേജര് ആര്ച്ച്ബിഷപ്പ് മാര് റാഫേല് തട്ടില് പിതാവ് ഉദ്ഘാടനം ചെയ്തു. കുടുംബങ്ങളുടെ കൂട്ടായ്മയും കുടുംബപ്രാര്ത്ഥനയും ആണ് ദൈവവിളിയുടെ അടിസ്ഥാനം എന്നും ഭവനങ്ങളിലേക്ക് വൈദികരും സമര്പ്പിതരും ഇറങ്ങിച്ചെല്ലുമ്പോഴാണ് വൈദിക-സമര്പ്പിത വിളികള് ലഭ്യമാകുന്നതെന്നും അഭിവന്ദ്യ പിതാവ് ഓര്മ്മപ്പെടുത്തി.
വൊക്കേഷന് കമ്മീഷന് ചെയര്മാനായ മാര് ജോസഫ് അരുമച്ചാടത്ത് അധ്യക്ഷത വഹിച്ചു. ക്യൂരിയാ ബിഷപ്പ് മാര് സെബാസ്റ്റ്യന് വാണിയപുരയ്ക്കല് സമ്മേളനത്തില് അനുഗ്രഹപ്രഭാഷണം നടത്തി. സീറോ മലബാർ സഭയിലെ വിവിധ രൂപതകളില് നിന്നും സന്യാസ സമൂഹങ്ങളില് നിന്നും ദൈവവിളി പ്രോത്സാഹനത്തിന് നേതൃത്വം നല്കുന്ന 250 ഓളം വൈദികരും ബ്രെദേഴ്സും സിസ്റ്റേഴ്സും സമ്മേളനത്തില് പങ്കെടുത്തു. റവ. ഫാ. റോയി കണ്ണഞ്ചിറ CMI ക്ലാസ്സുകള്ക്ക് നേതൃത്വം നല്കി. വൊക്കേഷന് കമ്മീഷന് സെക്രട്ടറി ഫാ. ജോഷി പാണംപറമ്പില്, സി. ഡിവീന CSM, സി. വിജയ സിഎസ്, സി. റോഷ്നി SKD, സി. ബെറ്റി DST എന്നിവര് പ്രസംഗിച്ചു.
ഫാ. ടോം ഓലിക്കരോട്ട്
പി. ആർ. ഓ. സീറോമലബാർ ചർച്ച്