പ്രശസ്ത വചനപ്രഘോഷകനായ അഭി. റാഫേൽ തട്ടിൽ പിതാവ് ഒരു പള്ളിയിൽ വച്ച് പറഞ്ഞ പ്രസംഗത്തിലെ ഏതാനും വരികൾ അടർത്തി അദ്ദേഹം അഭി. ആൻഡ്രൂസ് പിതാവിനെതിരെ എന്തൊക്കെയോ പറഞ്ഞിരിക്കുന്നു എന്ന രീതിയിൽ ചില പത്രങ്ങൾ റിപ്പോർട്ട് ചെയ്തിരിക്കുന്നത് കണ്ടു. അഭിവന്ദ്യ പിതാവ് തന്നെ അതിനു വിശദീകരണവും നൽകി.
സിറോ മലബാർ സഭയിലെ പ്രശ്നങ്ങളിൽ വളരെ ഏകപക്ഷീയമായ നിലപാടാണ് ചില മാധ്യമങ്ങൾ സ്വീകരിച്ചിരിക്കുന്നത്. പ്രശ്നങ്ങൾ ഒരിക്കലും തീരരുതെന്നു ആഗ്രഹിക്കുന്നവർ കൊടുക്കുന്ന വാർത്തകൾ അതേപടി പ്രസിദ്ധീകരിക്കുമ്പോൾ സ്വന്തം പത്രത്തിന്റെ നിലവാരത്തെക്കുറിച്ചുകൂടി ചിന്തിക്കുന്നത് നല്ലതാണ്.
‘മാതൃഭൂമി’ പോലൊരു ദേശിയ ദിനപ്പത്രം, ഭാരതത്തിന്റെ സ്വാതന്ത്ര്യ സമരത്തിൽ പോലും ചാലകശക്തിയായി നിന്ന ഒരു പത്രം, കേരളത്തിലെ പൊതു സമൂഹത്തിനു നന്മ മാത്രം ചെയ്ത ഒരു സഭയെ ദുര്ബലപ്പെടുത്താനുള്ള ഒരു കൂട്ടം ആൾക്കാരുടെ ആസൂത്രിതമായ ശ്രമങ്ങളെ അകമഴിഞ്ഞ് സഹായിക്കുന്നത് കാണുമ്പോൾ ദുഃഖം തോന്നുന്നു!
മാർ തോമസ് തറയിൽ
